1498 - 99 ല്‍ മൈക്കലഞ്ചലൊ നിര്‍മ്മിച്ച ഈ പ്രതിമയാണ് ''പിയത്ത'' എന്ന പേരില്‍ അറിയപ്പെടുന്നത്. കുരിശും ചുമന്ന് ചാട്ടവാറടിയുമേറ്റ് കാല്‍വരിക്കുന്ന് കയറി പീഠനാനുഭവങ്ങള്‍ക്കൊടുവില്‍ മരണം വരിച്ച മകന്‍റെ ചലനമറ്റ ശരീരം പരിതാപകരമായ അവസ്ഥയില്‍ക്കണ്ട് മടിയില്‍കിടത്തുന്ന നിസ്സഹായയായ അമ്മ, കനൃാമറിയത്തിനെയാണ് മൈക്കലാഞ്ചലൊ ശില്പത്തിന് ഇതിവ്യത്തമാക്കിയിരിക്കുന്നത്.  ലോകമിന്നേവരെ ദര്‍ശിച്ചതില്‍നിന്ന് വൃതൃസ്ഥമാണ് ഈ ശില്പമെന്ന് എല്ലാവരും സാക്ഷൃപ്പെടുത്തുന്നു. ശില്പി സ്വന്തം കൈപ്പടയില്‍ ഈ സ്യഷ്ടിക്കുമേല്‍ പേരെഴുതിയിട്ടുണ്ടത്രെ. മൈക്കലാഞ്ചലൊ ''പിയത്ത'' എന്ന ഈയൊരൊറ്റ ശില്പത്തിന്മേല്‍ മാത്രമേ കയ്യൊപ്പ് വെച്ചിട്ടുള്ളു.  

വത്തിക്കാന്‍ സിറ്റിയില്‍ സെന്‍റ് പീറ്റേഴ്സ് ബസിലിക്കയിലാണ് വിശ്വോത്തരമായ ''പിയത്ത'' സ്ഥാപിച്ചിരിക്കുന്നത്. Pieta എന്ന ഇറ്റാലിയന്‍ പദത്തിന്‍റെ ഇംഗ്ലീഷ് അര്‍ത്ഥം Pity എന്നാണ് ( Pity എന്നാല്‍ ദയ, അലിവ്, കരുണ, പരിതാപം എന്ന് മലയാളം). അറുനൂറിലേറെ വര്‍ഷങ്ങള്‍ക്ക് മുമ്പ് നിര്‍മ്മിക്കപ്പെട്ട ഈ ശില്പം വിളിച്ചോതുന്നത് മമതയുടെ മാഹാത്മൃമാണ്. അമ്മയുടെ സ്നേഹത്തിന്, ദുഃഖത്തിന് മതമോ ജാതിയോ ഇല്ല. അത് വെണ്ണക്കല്ലില്‍ കൊത്തിയ ശില്പി നല്‍കുന്ന സന്ദേശവും മാനവീകതയുടേതാണ്. അതിന്‍റെ ശില്പഭംഗിആ ആസ്വദിക്കാന്‍ കഴിയുന്ന ഒരു ഹ്യദയം നമുക്കുണ്ടായാല്‍ നന്ന്.