Home
Qodumutho
The Hidden Pearls

Main navigation

  • Home
  • Bible Study
    • Gospel
  • Church
    • Church Fathers
    • Priesthood
    • Liturgical Music
    • Traditions
    • Church History
    • General History
    • Festivals
  • Liturgy and Faith
    • Sacramental Items
  • Holy Qurobo
  • Holy Week
  • Theotokos
  • View All
  • General
  • Lent

Breadcrumb

  • Home
  • കൃപകൾ ദൈവദാനം. അവയെ നഷ്ടപ്പെടുത്തരുതേ...

"ആരും ദൈവകൃപ വിട്ടു പിന്മാറുകയും, വല്ല കൈപ്പുള്ള വേരും മുളെച്ചു കലക്കമുണ്ടാക്കി അനേകർ അതിനാൽ മലിനപ്പെടുകയും, ആരും ദുർന്നടപ്പുക്കാരനോ ഒരു ഊണിനു ജേഷ്ഠാവകാശം വിറ്റു കളഞ്ഞ ഏശാവിനെപ്പോലെ അഭക്തനോ ആയിത്തീരുകയും ചെയ്യാതിരിപ്പാൻ കരുതിക്കൊൾവിൻ". എബ്രായർ 12:15,16.

ദൈവകൃപ നഷ്ടപ്പെടുത്തിയാൽ ജീവിതം കയ്പ്പായി മാറും. അപ്പോൾ പാപമുണ്ടാകും. ഏശാവു പായസത്തിനു വേണ്ടി തന്റെ ജേഷ്ഠാവകാശം വിറ്റു കളഞ്ഞു. പ്രത്യക്ഷത്തിൽ വലിയ തെറ്റല്ലെന്നു നമുക്കു തോന്നും. വിശന്നതുകൊണ്ടല്ലേ, യാക്കോബ് തന്നതു കൊണ്ടല്ലേ തിന്നതു എന്നൊക്കെ ഒരുപാടു ന്യായീകരണങ്ങൾ ഏശാവിനുണ്ടാകും. പലപ്പോഴും പാപത്തിലേക്കു വഴുതി വീഴുന്നവർക്കു ഒരായിരം കാരണങ്ങൾ പറയുവാനുണ്ടാകും. എന്നാൽ ഒരു സത്യം ഉണ്ടു. പലപ്പോഴും മനുഷ്യൻ ജഡികമോഹങ്ങളാൽ
ആകർഷിക്കപ്പെട്ടു, മോഹം ഉള്ളിൽ ജനിച്ചു തന്നെയാണു പാപം ച്ചെയ്യുന്നതു.

"ഓരോരുത്തൻ പരീക്ഷിക്കപ്പെടുന്നതു സ്വന്തമോഹത്താൽ ആകർഷിച്ചു വശീകരിക്കപ്പെടുകയാൽ ആകുന്നു. മോഹം ഗർഭം ധരിച്ചു പാപത്തെ പ്രസവിക്കുന്നു". യാക്കോബ് 1:14,15.

ആദ്യമായി തെറ്റിലേക്കു വീഴുമ്പോൾ പരിശുദ്ധാത്മാവു അതു പാപമാണെന്ന ബോധം തീർച്ചയായും നൽകും. എന്നാൽ ആ സ്വരം കേൾക്കാതെ വരുമ്പോൾ പരിശുദ്ധാത്മാവു നമ്മെ അതീവ ദുഃഖത്തോടെ പിരിഞ്ഞു പോകും.
അതുകൊണ്ടു പൗലോസ് അപ്പോസ്തലൻ ഇപ്രകാരം പറഞ്ഞു.

"ദൈവത്തിന്റെ പരിശുദ്ധാത്മാവിനെ ദുഃഖിപ്പിക്കരുതു". എഫെസ്യർ 4:30.

"ആത്മാവിനെ കെടുക്കരുതു". 1.തെസ്സലോനീക്യർ 5:19.

ദൈവം നമുക്കു തന്ന വലിയ കൃപയാണ്, വലിയ ദാനമാണ് പരിശുദ്ധാത്മാവ്. ആ ദാനം നഷ്ടപ്പെടുത്തരുത്.  

കഴുകനെക്കുറിച്ച് ഒരു കഥയുണ്ട്. ഒരിക്കൽ ഒരു കഴുകൻ ആകാശത്തിൽ ഉയരങ്ങളിൽ പറക്കുകയായിരുന്നു. അതിന്റെ കണ്ണു താഴോട്ടായിരുന്നു. കാരണം തനിക്കു പറ്റിയ വല്ല ഇരയും താഴെയുണ്ടോ എന്നു അതു നോക്കിക്കൊണ്ടിരുന്നു. അങ്ങനെ പറക്കുമ്പോൾ അതു താഴെ ഒരു കുറുക്കൻ കാട്ടിലിരുന്നു പുഴുക്കളെ വിൽക്കുന്നത്കണ്ടു. വിശന്നു വലഞ്ഞ കഴുകനു സന്തോഷമായി. കുറുക്കൻ കൗശലക്കാരനാണെന്നും തന്നെ ചതിയിൽ വീഴ്ത്തും എന്ന കാര്യവും കഴുകൻ മറന്നുപോയി. അതു താഴോട്ടു പറന്നുവന്നു. കഴുകൻ ചോദിച്ചു. ഒരു പുഴുവിനെ തരുമോ? കുറുക്കൻ പറഞ്ഞു, "തരാം, പക്ഷേ എനിക്കു പുഴുവിന്റെ വില തരണം". കഴുകൻ പറഞ്ഞു. എന്റെ കൈയിൽ വിലയായി തരുവാൻ ഒന്നുമില്ല. അപ്പോൾ കുറുക്കൻ പറഞ്ഞു. നിന്റെ നീണ്ട ചിറകിൽ നിന്നും ഒരു തൂവൽ എനിക്കു പറിച്ചു തന്നാൽ മതി. പുഴുവിനെ തിന്നുവാനുള്ള ആർത്തി മൂലം കഴുകൻ ഒരു തൂവൽ പറിച്ചു കുറുക്കനു കൊടുത്തു. പുഴുവിനെ തിന്നപ്പോൾ കഴുകനു കൊതി കൂടി. ഇനിയും പുഴുവിനെ വേണമെന്നു കുറുക്കനോടു പറഞ്ഞു. കുറുക്കൻ വീണ്ടും വിലയായി കഴുകന്റെ ചിറകിലെ തൂവൽ ചോദിച്ചു. കഴുകൻ വീണ്ടും ഒരു തൂവൽ പറിച്ചു കൊടുത്തു. കൊതിമൂത്ത കഴുകൻ തന്റെ എല്ലാ തൂവലുകളും കുറുക്കനു വിറ്റുകളഞ്ഞു. കുറുക്കൻ കഴുകനെ വീക്ഷിച്ചു കൊണ്ടിരുന്നു. ഇനി പുഴുവിനെ വാങ്ങാൻ തൂവലുകൾ ഒന്നും ബാക്കിയില്ല. കൗശലക്കാരനും ചതിയനുമായ കുറുക്കൻ കഴുകന്റെ നേരെ ചാടിവീണു. കഴുകൻ പറക്കാൻ ശ്രമിച്ചു. പക്ഷേ പറ്റുന്നില്ല. കുറുക്കൻ കഴുകനെ തിന്നുകളഞ്ഞു.

അല്പം സുഖത്തിനുവേണ്ടി വിലപ്പെട്ട തൂവലുകൾ കഴുകൻ നഷ്ടപ്പെടുത്തി മരണത്തിലേക്കു പതിച്ചു.

ആത്മാവിൽ ചിറകടിച്ചു പറക്കാനുള്ള ദൈവകൃപ ദൈവം നമുക്കു നൽകിയിട്ടുണ്ട്. യേശുവിന്റെ വിലയേറിയ രക്തത്താൽ വലിയ രക്ഷ അവകാശപ്പെടുത്തിയ ദൈവത്തിന്റെ മക്കളാണ് നാം. പരിശുദ്ധാത്മാവിനെ ദാനമായി ലഭിച്ചവരാണ് നാം. നമ്മുടെ വില മനസ്സിലാകാതെ, കുറുക്കനാകുന്ന സാത്താന്റെ വഴികളിൽ വീണുപോകാതെ നാം നോക്കണം. അല്പനേരത്തെ ശരീരസുഖങ്ങൾക്കായി വിലപ്പെട്ടവയെ നഷ്ടപ്പെടുത്താതെ നോക്കണം. ജഡികമോഹങ്ങൾക്കായി വിലപ്പെട്ടവയെ നഷ്ടപ്പെടുത്തിയ ഏശാവിനെപ്പോലെ നാം മാറരുത്. ഏശാവിനെക്കുറിച്ചു വചനം വീണ്ടും പറയുന്നത് ഇങ്ങനെയാണ്.

"അവൻ പിന്നത്തേതിൽ അനുഗ്രഹം ലഭിപ്പാൻ ആഗ്രഹിച്ചു കണ്ണുനീരോടുകൂടെ അപേക്ഷിച്ചിട്ടും തള്ളപ്പെട്ടു മാനസാന്തരത്തിനു ഇട കണ്ടില്ല എന്നു നിങ്ങൾ അറിയുന്നുവല്ലോ. എബ്രായർ 12:17.

ഏശാവിനു ജേഷ്ഠാവകാശം തിരിച്ചു കിട്ടിയില്ല. ഏശാവു മാനസാന്തരപ്പെടുകയും ചെയ്തില്ല. ഏശാവു വിഗ്രഹാരാധകനായി. വിഗ്രഹാരാധിയായ പെൺകുട്ടിയെ വിവാഹം കഴിച്ചു. ആ സ്ത്രീ നിമിത്തം റിബേക്ക വളരെ വേദനിച്ചുവെന്നും ജീവൻ തന്നെ അപകടത്തിലായി എന്നും ഉല്പത്തി 27:46 കാണുന്നു.

ജീവിതത്തിൽ, ദൈവം ദാനമായി തന്നിരിക്കുന്ന കൃപകളെ നഷ്ടപ്പെടുത്താതെ, പരിശുദ്ധാത്മ നിറവിൽ അനുദിനം വളരുവാൻ സർവ്വശക്തന്റെ ചിറകിൽ അഭയം തേടാം.

ഫാ.ഗീവർഗ്ഗീസ് കോശി പുത്തൻവീട്ടിൽ, പട്ടാഴി.

Recommended

  • മൊർത് ശ്മൂനിയും ഏഴ് മക്കളും.
  • ഒലിവു മരം (Olea europaea)
  • 48 ദിവസം കൊണ്ട് പൂർത്തിയാകുന്ന 40 നോമ്പ്.
  • മലയാറ്റൂരിലെ കുരിശു ചുമട് സത്യത്തിൽ ഒരുതരം ശക്തിപ്രകടനമായി മാറിക്കൊണ്ടിരിക്കുന്നു
  • സേലൂൻ ബശ്ലോമോ....
  • ഞാൻ അധരങ്ങളുടെ ഫലം സൃഷ്ടിക്കും. യെശയ്യാവു 57:19
  • കന്തീല ശുശ്രൂഷ.
  • ഇരുപത്തുനാലു മൂപ്പന്മാർ.
  • വട്ടശ്ശേരിൽ തിരുമേനിയുടെ ശൽമൂസാ
  • നാശം വിതച്ച ആസക്തികൾ
  • സമാധാനമുണ്ടാക്കുന്നവർ ഭാഗ്യവാന്മാർ
  • കഴുത മറന്നുപോയ സത്യം
  • സ്ലീബാപ്പെരുന്നാളിലെ തീജ്വാല ശുശ്രൂഷ.
  • പ്രാർത്ഥനയിൽ ഉറ്റിരിപ്പിൻ.
  • ഗ്രീഗോറിയോസ് ബർ എബ്രായ.
  • ക്രിസ്തുവിന്റെ നിന്ദ ചുമന്നാൽ അതു വലിയ ധനമെന്നെണ്ണുവിൻ.
  • വിശേഷ ദിവസങ്ങളിൽ ക്രിസ്ത്യാനികളുടെ പലഹാരങ്ങൾ
  • 72 അറിയിപ്പുകാരുടെ ഓർമ്മ.
  • വിട്ടു കളയേണ്ടവ വിട്ടു കളയണം.
  • നീട്ടലും കുറുക്കലും.
  • നമ്മൾ നക്ഷത്രത്തെ വരയ്ക്കുമ്പോൾ അധികവും 5 മൂലകൾ ഉള്ളത് വരയ്ക്കുന്നത് എന്തുകൊണ്ട് ?
  • എന്തിനാണ് കുമ്പിട്ടു നമസ്കരിക്കുനത്?
  • ദൈവസാന്നിധ്യം ആഗ്രഹിക്കുക, ദൈവീക പ്രമാണങ്ങളെ കാത്തുസൂക്ഷിക്കുക. തലമുറകളായി കൈമാറുക
  • എന്തുകൊണ്ടാണ് നമ്മള്‍ പ്രഭാതത്തില്‍ പ്രാര്‍ത്ഥിക്കണം എന്ന് പറയുന്നത്?
  • മുടക്ക്, മഹറം.
  • കല്ലേറ്
  • കുടുംബയോഗം.
  • ഒരു സോറി പറഞ്ഞാൽ
  • കാനവിലെ കല്യാണ വീട്.
  • ശ്രദ്ധാലുവായിരിക്കുക
  • ചെറുതായവരെ കരുതുക.
  • നേരം പുലരും മുമ്പേ
  • ഉപമകൾ.
  • വിശുദ്ധ ദൈവമാതാവിൻ്റെ നാമത്തിൽ പരിശുദ്ധ സുറിയാനി സഭയിലെ 10 പെരുന്നാളുകൾ.
  • പ്രധാന മാലാഖമാർ
  • മലാഖി പ്രവാചകൻ പറയുന്നു."നിങ്ങൾ ദൈവത്തെ തോല്പിക്കുന്നു".
  • കര്‍ത്താവിന്റെ ബഹുമാനം തന്റെ സ്ഥാനത്ത്...
  • നിലാവുറങ്ങുന്ന വഴികളില്‍ തീര്‍ത്ഥാടകരായ്.
  • പഴയനിയമം പുതിയനിയമത്തിൽ.
  • തണ്യ ദിവസങ്ങൾ / ദുർദ്ദിവസങ്ങൾ.
  • മലങ്കരയിലെ സിസ്റ്റർ അന്നം
  • കോട്ടയം പഴയ സെമിനാരിയും നവീകരണവും.
  • ദൈവം പരാജയപ്പെടുന്നു എന്ന യുക്തിവാദികളുടെ തോന്നലുകളിൽ എന്തെങ്കിലും യുക്തിയുണ്ടോ?
  • കുറെക്കൂടെ ഉറക്കം കുറെക്കൂടെ നിദ്ര
  • അപ്പോക്രിഫാ.
  • എല്ലാ മഹത്വവും ദൈവത്തിന്
  • ശ്ഹീമാ നമസ്കാരം. (നിത്യ നമസ്കാരം).
  • യേശു പണിയുന്നു.

Footer menu

  • Contact

Copyright © 2026 qodumutho.com - All rights reserved