ദിവസത്തെ ഏഴ് യാമങ്ങളായി തിരിച്ച് ഓരോ യമങ്ങളിലും നമസ്കരിക്കണമെന്ന് പരി.സഭ പഠിപ്പിക്കുന്നു.

സന്ധ്യാ (6.00 PM), സുത്താറാ (9.00 PM), പാതിരാത്രി (12.00 AM,(സൂര്യോദയത്തിന് മുമ്പ്), പ്രഭാതം (6.00 AM), മൂന്നാം മണി (9.00 AM), മദ്ധാഹ്നം (ആറാം മണി) (12.00 Noon), ഒന്‍പതാം മണി (3.00 PM) എന്നിവയാണ് ഏഴ് യാമങ്ങള്‍. 

ഇവ വേദാനുസൃതമായി നിശ്ചയിക്കപ്പെട്ടിട്ടുള്ളതാണ്. “നിന്റെ നീതിയുള്ള വിധികൾ നിമിത്തം ഞാൻ ദിവസം ഏഴ് പ്രാവശ്യം നിന്നെ സ്തുതിക്കുന്നു" (സങ്കീര്‍ത്തനം 119:164). 

സന്ധ്യാ നമസ്ക്കാരം (6.00 PM)

ക്രൂശിൽ നിന്നും കർത്താവിനെ ഇറക്കുവാനായി ചെന്ന യൗസേഫും നിക്കോദീമോസും കൂടി ദർശിച്ചതായിട്ട്, ഇഗ്നാത്തിയോസ് നൂറോനൊ പഠിപ്പിച്ചതായി പാരമ്പര്യമുള്ള ഒരു പ്രാർത്ഥനയാണെല്ലൊ ഇത്. സ്വർഗ്ഗീയ സേനകൾ ദൈവമേ! നീ പരിശുദ്ധനാകുന്നു എന്നാരംഭിക്കുന്ന ഈ സ്തുതിപ്പിനാൽ ക്രൂശിൽ കിടക്കുന്ന കർത്താവിനെ സ്തുതിച്ചപ്പോൾ യൗസേഫും നിക്കോദീമോസും കൂടി അതിന്റെ അവസാന ഭാഗത്തുള്ള യാചന ചൊല്ലി എന്നാണ് ആ പാരമ്പര്യം. പിതാക്കന്മാർ (പരിശുദ്ധ പത്രോസ് കാസോറൊ പാത്രിയർക്കീസ് - Peter the Fuller) ഇത് പ്രാർത്ഥനയിൽ കൂട്ടിച്ചേർത്തു.

സുറിയാനി ഓർത്തഡോക്സ് സഭയിലെ പൗരോഹിത്യ ശ്രേണിയിൽ ഉൾപ്പെട്ടവരെപ്പറ്റി ഒരു വിശദീകരണം.

ശെമ്മാശൻ.

വിശുദ്ധ മദ്ബഹായിൽ പ്രവേശിക്കുന്നതിന് മുമ്പ് ശുശ്രൂഷക്കുപ്പായം ധരിച്ചിരിക്കണം.

കുപ്പായത്തിനടിയിൽ വെള്ള വസ്ത്രം ധരിക്കണം.

കുപ്പായം ധരിക്കുമ്പോഴും, ത്രോണോസും മദ്ബഹായും മുത്തുമ്പോഴും അതാത് പ്രാർത്ഥനകൾ മനഃപാഠമായി ചൊല്ലാൻ അറിഞ്ഞിരിക്കണം.

സന്ധ്യാനമസ്ക്കാരത്തിന് മുമ്പ് മദ്ബഹാ വൃത്തിയാക്കണം.

വിശുദ്ധ കുർബാനയ്ക്ക് പ്രഭാതനമസ്ക്കാരം ആരംഭിക്കുന്നതിന് മുമ്പ് ദേവാലയത്തിൽ എത്തണം.

വിശുദ്ധ മദ്ബഹായിലേക്ക് തെക്കുവശത്തുകൂടി പ്രവേശിക്കുക, വടക്കുവശത്തുകൂടി ഇറങ്ങുക.

ത്രോണോസിന്റെ മുമ്പിലൂടെ കുറുകെ കടക്കരുത്.