"സുറിയാനികാരുടെ  കിരീടം" എന്നറിയപ്പെടുന്ന വിശുദ്ധ സേവേറിയോസ്, അന്ത്യോഖ്യയിലെ പാത്രിയർക്കിസുകളുടെ അഭിമാനമായിരുന്നു, മഹാ പണ്ഡിതൻ , ദൈവശാസ്ത്രജ്ഞൻ, എഴുത്തുകാരൻ,ലേഖകൻ, സങ്കീർണ്ണമായ വിഷയങ്ങളിൽ പോലും തർക്കങ്ങൾ നീതിയുക്‌തമായി  പരിഹരിക്കുന്നതിത്തിൽ നിപുണനും ആയിരുന്നു വിശുദ്ധ സേവേറിയോസ്. .ഓർത്തഡോക്സ് വിശ്വാസത്തിന്റെ ശക്തിയിൽ മതം വളർത്തിയെടുക്കുകയും ഉയർത്തിപ്പിടിക്കുകയും ചെയ്തു അദ്ദേഹം.

459 എ.ഡി.-ൽ സോസോപൊളിസിൽ സാൽപോളിസിലാണ് മോർ സേവേറിയോസ് ജനിച്ചത്. അദ്ദേഹത്തിന്റെ മുത്തച്ഛൻ എപ്പീസസ് (431 എ ഡി) എക്യുമെനിക്കൽ കൗൺസിലിൽ പങ്കെടുത്ത ബിഷപ്പുമാരിൽ ഒരാളായിരുന്നു. അലക്സാന്ത്രിയയിൽ അദ്ദേഹം ഗ്രീക്ക്, ലാറ്റിൻ ഭാഷകളിലും വ്യാകരണത്തിലും വിദ്യ അഭ്യസിച്ചു .നിയമ വിദ്യാഭ്യാസത്തിനായി  ബെയ്റൂട്ടിൽ റോമൻ നിയമവ്യവസ്ഥയുടെ സ്കൂളിലും, പിന്നീട് തത്ത്വചിന്തയും അദ്ദേഹം പഠിച്ചു.അദ്ധ്യാപകനായി ജോലിചെയ്തു കൊണ്ടിരിക്കവേ , 488-ൽ ട്രിപോളിയിലെ സഭയിൽ അദ്ദേഹം ജ്ഞാനസ്നാനം സ്വീകരിച്ചു. പിന്നീട് അദ്ദേഹം സന്യാസത്തിന്റെ വഴി തിരഞ്ഞെടുക്കുകയും ചെയ്തു

സ്വന്തം സ്വെത്തെല്ലാം വിറ്റു അദ്ദേഹം മയോമയിലെ റോമോണസ് ആശ്രമത്തിൽ സന്യാസിയായിത്തീരുകയും  പിന്നീട  അദ്ദേഹം അവിടെ ഒരു ആശ്രമം നിർമിച്ചു  ഇരുപത്തിനാല് വർഷം ജീവിച്ചു. തീവ്രമായ വൃതാനുഷ്ഠാന രീതിയായിരുന്നു വിശുദ്ധ സേവേറിയോസ് പിൻതുടർന്നത്. ദയറായിൽ  വിശുദ്ധ സേവേറിയോസ് സത്യ ദൈവത്തെ ആരാധിക്കുകയും സന്യാസത്തിന്റെ സദ്ഗുണങ്ങൾ പഠിക്കുകയും, വിശുദ്ധ ബൈബിളും ദൈവശാസ്ത്രജ്ഞരുടെ രചനകൾ പഠിക്കുകയും ചെയ്തു. അദ്ദേഹം ഓർത്തഡോക്സ് സിദ്ധാന്തം സ്ഥാപിക്കാൻ വിശ്വാസികൾക് എഴുതുകയും അദ്ദേഹത്തിന്റെ പ്രശസ്തി നാടാകെ പ്രചരിപ്പിക്കുകയും ചെയ്തു  

508 ൽ അദ്ദേഹം കോൺസ്റ്റാന്റിനോപ്പിളിലേക്ക് ഇരുനൂറ് സന്യാസികളോടൊപ്പം യാത്ര ചെയ്തു. അവിടെ 511 വരെ മൂന്നു വർഷത്തോളം തുടർന്നു. ഒരു വർഷവും കുറച്ചു മാസങ്ങൾക്കു ശേഷം അന്ത്യോഖ്യയിലെ പാത്രീയർക്കീസ് ഫ്ളാവിയൻ ഇരു സവഭാവ വാദത്തിലേക്യു് മാറുകയും , പിതാക്കന്മാർ സുന്നഹദോസ് കൂടി അദ്ദേഹത്തെ  പുറത്താകുകയും പകരം പാത്രിയര്കിസായി വിശുദ്ധ സേവേറിയോസിനെ  തിരഞ്ഞെടുക്കുകയും ചെയ്തു .

അതിനുശേഷം, വിശ്വാസത്തിന്റെയും ധാർമ്മികതയുടെയും യാഥാർഥ്യങ്ങളെക്കുറിച്ച് പ്രസംഗിക്കുകയും വിശദീകരിക്കുകയും ചെയ്തുകൊണ്ടുള്ള തന്റെ അറിവിൻറെ നിധികൾ അദ്ദേഹം തുറന്നു. 518-ൽ യുസ്റ്റെനോസ് കോൺസ്റ്റാന്റിനോപ്പിൾ ചക്രവർത്തി ആയപ്പോൾ വിശുദ്ധ സേവേറിയോസിനെ അദ്ദേഹം എതിർത്തു. പ്രസംഗങ്ങളും പഠിപ്പിക്കലുകളും നിർത്താൻ കല്പന പുറപ്പെടുവിച്ചു ഇല്ലാത്ത പക്ഷം നാവു അറിഞ്ഞു കളയും എന്ന് ഭീഷണി മുഴക്കുകയും ചെയ്തു . എങ്കിലും വിശുദ്ധൻ പിന്മാറിയില്ല പടയാളികൾ പിടികയുകയും , ജനങളുടെ എതിർപ്പിനെ തുടർന് നാവു ഛേദിക്കാതെ അലക്സന്ത്രയിലേക്ക് നാട് കടത്തുകയും ചെയ്തു . കൈമാഖാം (കാവൽ പാത്രയർക്കീസ്) ആയി മോർ യുഹാനോനെ ചുമതലപ്പെടുത്തി .

അവിടെ നിന്നും പിതാവ് പുസ്‌തകങ്ങളും ലേഖനങ്ങളും എഴുതിക്കൊണ്ടിരുന്നു .20 വര്ഷം പിതാവ് പരദേശിയായി പാർത്തു നിരവധി പീഡനങ്ങൾ സഹിച്ചു എങ്കിലും സത്യവിശ്വാസത്തിനു വേണ്ടി നിരന്തരം പ്രവർത്തികയുകയും പ്രസംഗികയുകയും ചെയ്തു 535-ൽ, ജസ്റ്റീനിയൻ ഒന്നാമന്റെ ക്ഷണപ്രകാരം ഐക്യം നേടിയെടുക്കുന്നതിന് അദ്ദേഹം കോൺസ്റ്റാന്റിനോപ്പിളിലേക്ക് പോയി.

538 ഫെബ്രുവരി 8 ന് അദ്ദേഹം സാഖയിലെ പട്ടണത്തിൽ മരണമടഞ്ഞു. സത്യ വിശ്വാസം നിലനിർത്തുവാൻ പിതാവ് എഴുതിയ കൃതികൾ നിരവധിയാണ് . മറിയാം ദൈവമാതാവെന്നു നിസംശയം പ്രസംഗിച്ചു . ഈ പരിശുദ്ധ പിതാവിന്റെ കൃതികളിൽ പലതും ഇന്നും സുറിയാനി സഭയുടെ പ്രാർത്ഥനകളിൽ ഉൾപ്പെടുത്തിയിട്ടുണ്ട്
ഉറഹായിലെ വിശുദ്ധ യാക്കോബ് പറഞ്ഞത് " സുറിയാനികാരുടെ കിരീടവും ദൈവത്തിന്റെ വിശുദ്ധ സഭ മുഴുവന്റേയും വിവേകമുള്ള വായും തൂണും മല്പാനും പുഷ്പങ്ങൾ കൊണ്ട് നിറഞ്ഞ മേച്ചിൽ പുറവും മറിയാം ദൈവമാതാവെന്നു എല്ലായിപ്പോഴും പ്രസംഗിച്ചവനായ ഞങളുടെ പാത്രീയർക്കീസ്  മോർ  സേവേറിയോസ് " എന്നാണ് ഇത് നമ്മൾ അഞ്ചാം തുബ്ദേനിൽ ഓർക്കുകയും ചെയ്യുന്നു