Home
Qodumutho
The Hidden Pearls

Main navigation

  • Home
  • Bible Study
    • Gospel
  • Church
    • Church Fathers
    • Priesthood
    • Liturgical Music
    • Traditions
    • Church History
    • General History
    • Festivals
  • Liturgy and Faith
    • Sacramental Items
  • Holy Qurobo
  • Holy Week
  • Theotokos
  • View All
  • General
  • Lent

Breadcrumb

  • Home
  • ധൂപക്കുറ്റി എന്നാൽ എന്ത്‌? അതിന്റെ ഉപയോഗം എങ്ങനെ?

1. ധൂപക്കുറ്റിയുടെ അര്‍ത്ഥം എന്താണ്?

ധൂപക്കുറ്റി സഭയുടെ പ്രതീകമാണ്. സ്വര്‍ഗ്ഗവും ഭൂമിയും ക്രിസ്തുവില്‍ ഒന്നാകുന്നതാണ് സഭ. ധൂപക്കുറ്റിയുടെ താഴത്തെ (തട്ട്) പാത്രം ഭൂമിയുടേയും മുകളിലത്തേത് (തട്ട്) സ്വർഗ്ഗത്തിന്റെയും പ്രതീകമാണ്. അതിലെ കരി - പാപം നിറഞ്ഞ മനുഷ്യവര്‍ഗ്ഗത്തേയും, അഗ്നി - പാപികളെ ശുദ്ധീകരിക്കുന്ന പരിശുദ്ധാത്മാവിനെയും തീക്കനൽ - രൂപാന്തരപ്പെട്ട മനുഷ്യനെയും സൂചിപ്പിക്കുന്നു.

അതിന്‍റെ നാലു ചങ്ങലകള്‍ ലോകത്തിന്‍റെ നാലു ദിക്കുകളെ, അതായത് സൃഷ്ടിയുടെ എല്ലാ ഭാഗത്തേയും കുറിക്കുന്നു. ഒന്നാമത്തെ ചങ്ങല പിതാവിനെയും, രണ്ടാമത്തെ ചങ്ങല പുത്രൻ തമ്പുരാന്റെ ദൈവികതയേയും, മൂന്നാമത്തെ ചങ്ങല പുത്രൻ തമ്പുരാന്റെ മനുഷ്യത്വത്തെയും, നാലാമത്തെ ചങ്ങല പരിശുദ്ധ റൂഹയേയും സൂചിപ്പിക്കുന്നു. ഓരോ ചങ്ങലയിലും 72 കണ്ണികളാണുള്ളത്. അവ ഓരോന്നും യേശുക്രിസ്തുവിന്റെ 72 അറിയിപ്പുകാരെ സൂചിപ്പിക്കുന്നു. ചങ്ങലകളെ കൂട്ടിയോജിപ്പിക്കുന്ന മുകളിലത്തെ വളയം പരിശുദ്ധ ത്രിത്വത്തിന്റെ ഏകത്വത്തെയും സൂചിപ്പിക്കുന്നു.

12 മണികള്‍ 12 അപ്പോസ്തോലന്മാരുടെ സാന്നിദ്ധ്യത്തിന്‍റേയും മണികളുടെ ശബ്ദം അവരുടെ സുവിശേഷ പ്രഘോഷണ പ്രഖ്യാപന ശബ്ദത്തിന്‍റേയും പ്രതീകമാണ്.

അഗ്നി കരിക്കട്ടയെ എരിയിച്ച് കുന്തുരുക്കം അഗ്നിയിലുരുകി അന്തരീക്ഷത്തിലേക്ക് ഉയരുന്ന സൗരഭ്യധൂപം മനുഷ്യരുടെ സല്‍പ്രവൃത്തികളേയും ആരാധനയേയും പ്രാര്‍ത്ഥനയേയും ദൈവസന്നിധിയിലേക്ക് എത്തുന്നു എന്നതിനെ സൂചിപ്പിക്കുന്നു.  

ധൂപക്കുറ്റി ദൈവമാതാവിന്റെയും പ്രതീകമാണ്. അഗ്നി പരിശുദ്ധ കന്യകയുടെ ഉദരത്തിൽ വസിച്ച ദൈവത്തെയും സൂചിപ്പിക്കുന്നു.
 
2. ധൂപക്കുറ്റി വീശേണ്ടത് എപ്പോഴൊക്കെയാണ്?

സഭയുടെ പൊതുവായ പ്രാര്‍ത്ഥനകളിലാണ് ധൂപക്കുറ്റി വീശേണ്ടത്. വാങ്ങിപ്പോയവരുടേയും ജീവനുള്ളവരുടേയും ഒരുമിച്ചുള്ള പ്രാര്‍ത്ഥനയേയും ബലികാഴ്ചകളേയുമാണല്ലോ ധൂപം സൂചിപ്പിക്കുന്നത്.

പ്രധാനമായും ധൂപം വീശേണ്ടത് സഭയുടെ പരിശുദ്ധ രഹസ്യങ്ങള്‍ (കൂദാശകള്‍) അനുഷ്ഠിക്കുന്ന സമയങ്ങളിലും രാവിലെയും വൈകിട്ടുമുള്ള സഭയുടെ പൊതുവായ പ്രാര്‍ത്ഥനകളിലുമാണ്.

വിശുദ്ധ ഏവന്‍ഗേല്യോന്‍ വായിക്കുന്ന സമയത്തും, സെദ്റാ വായിക്കുന്ന സമയത്തും എത്രൊയുടെ സമയത്തും കുക്കിലിയോന്‍റെ സമയത്ത് ധൂപം വീശുന്നത് എല്ലാ കുക്കിലിയോനിലും കാണുന്ന ശെമ്മാശന്റെ /ശുശ്രൂഷകന്റെ സ്തൗമന്‍കാലോസും ജനങ്ങളുടെ കുറിയേലായിസോനും കഴിഞ്ഞ് പ്രുമിയോനും സെദ്റായും വരുന്നതുകൊണ്ടാണ്.

എന്നാല്‍ ഇന്ന് പ്രുമിയോനും സെദ്റായും കൂടാതെ കോലോകള്‍ മാത്രം ചൊല്ലുന്ന പതിവ് തെറ്റാണ്. ഒരു കുക്കിലിയോന്‍ എന്നു പറയുന്നത് പ്രാര്‍ത്ഥനകളുടെ ഒരു സൈക്കിളാണ്. അതില്‍ ഉണ്ടായിരിക്കേണ്ടത് താഴെപ്പറയുന്ന അംശങ്ങളാണ്.

1. പ്രാരംഭഗീതം (ഉദാഹരണം: നിന്നാള്‍ സ്തുതിയൊടു രാജമകള്‍).
2. ത്രിത്വവന്ദന (ശുബ്ഹോ).
3. പ്രുമിയോന്‍ - സെദ്റായ്ക്ക് മുമ്പുള്ള എക്ബോ (ഉദാഹരണം: ഭക്തര്‍ പുകഴ്ചാഭാജനമേ).
4. ശെമ്മാശന്റെ / ശുശ്രൂഷകരുടെ സ്തൗമനകാലോസ് (പ്രാര്‍ത്ഥനയ്ക്കായി നല്ലവണ്ണം നില്‍ക്കുവാനുള്ള ആഹ്വാനം).
5. ജനങ്ങളുടെ കുറിയേലായിസോന്‍ (കര്‍ത്താവേ കൃപചെയ്യണമേ).
6. പ്രുമിയോന്‍-സെദ്റാ (ഈ സമയത്ത് ധൂപക്കുറ്റി വീശണം).
7. ധൂപാനന്തര കോലോകള്‍ (ധൂപം വീശി പടിഞ്ഞാറുവരെ എല്ലാ ജനങ്ങള്‍ക്കും സഭയുടെ ധൂപപ്രാര്‍ത്ഥനയില്‍ പങ്കെടുക്കുന്നതിനു വേണ്ടിയാണ് ഈ കോലോകള്‍ ചേര്‍ത്തിട്ടുള്ളത്). ആദ്യത്തെ കോലോ കഴിഞ്ഞ് ശുബ്ഹോ... ചൊല്ലണം.
8. മൊറിയോ റാഹേം അലൈന്‍ (കര്‍ത്താവേ! ഞങ്ങളുടെമേല്‍ കൃപചെയ്യണമേ).
9. എത്രോ, അല്ലെങ്കില്‍ ധൂപപ്രാര്‍ത്ഥന (ഈ സമയത്തും ധൂപം വീശണം).
10. ധൂപാനന്തരമുള്ള സമാപന എക്ബോ (ഉദാ: മോറാനീശോ കുരിശും നിന്‍).

3. ആരാണ് ധൂപം വീശേണ്ടത്?

ധൂപം വീശുകയെന്നത് സഭയുടെ പൊതുവായ ഒരു പ്രവൃത്തിയാകകൊണ്ട് മെത്രാപ്പോലീത്തായാണ് ധൂപം വീശേണ്ടത്. അദ്ദേഹത്തിന്‍റെ അനുമതിയോടുകൂടി, അദ്ദേഹത്തിനുവേണ്ടി, കശീശായ്ക്കും, ശെമ്മാശ്ശനും, രണ്ടുമില്ലെങ്കില്‍ ശുശ്രൂഷക്കാരനും ധൂപം വീശാം. ധൂപം വീശുന്നത് ശുശ്രൂഷക്കാരന്‍റെ ചുമതലയായി കരുതുന്നത് തെറ്റാണ്. ശെമ്മാശ്ശന്മാരില്ലാത്ത സമയത്തേ അൽമായക്കാരനായ ശുശ്രൂഷക്കാരന്‍ ധൂപം വീശാവൂ.

4. ഒരിടവകപ്പള്ളിയില്‍ രാവിലെയും വൈകിട്ടും പ്രാര്‍ത്ഥിക്കുമ്പോള്‍ ധൂപം വീശണോ?

വേണം. ഒരു പള്ളിയെന്നു പറയുന്നത് സഭയുടെ പൊതുവായ ആരാധനാലയമാണ്. അവിടെ, യെരൂശലേം ദേവാലയത്തിലെന്നതുപോലെ, എല്ലാ ദിവസവും മുടങ്ങാതെ, രാവിലെയും വൈകിട്ടും ധൂപം വച്ച് പ്രാര്‍ത്ഥന നടത്തി, സഭയുടെ ധൂപബലി പരിശുദ്ധ ബലിപീഠത്തിങ്കല്‍ അര്‍പ്പിക്കുകയെന്നത് സഭയുടെ കടമയാണ്. കശീശന്മാര്‍ പള്ളിയില്‍ താമസിക്കണമെന്നു പറയുന്നതിന്‍റെ ഒരുദ്ദേശ്യം മുടങ്ങാതെ ദിവസവും ധൂപ ബലിയര്‍പ്പിക്കുകയെന്നതാണ്.

കുന്തുരുക്കമാകുന്ന നമ്മുടെ പ്രാർത്ഥന ദൈവത്തെയും നമ്മുടെ ചുറ്റുപാടിനെയും സുഗന്ധത്താൽ സന്തോഷപൂരിതമാക്കുമെന്ന് പരിശുദ്ധസഭ പഠിപ്പിക്കുന്നു.

ഫാ.ഗീവർഗ്ഗീസ് കോശി പുത്തൻവീട്ടിൽ, പട്ടാഴി.

Recommended

  • ഫീറോ (Skull cap)
  • ക്രിസ്‌ത്യാനിക്കു ആഭിചാരം ഏൽക്കുമോ?
  • നേരം പുലരും മുമ്പേ
  • അക്ഷരത്തെറ്റുകളുടെ കൂമ്പാരം
  • പട്ടക്കാരോട് ഒരപേക്ഷ.
  • വിശുദ്ധ കന്യകമറിയാമും അപ്പോസ്തോലന്മാരും.
  • ബസ്ക്യൊമോ.
  • കുരിശടയാളം വരയ്ക്കുന്നത് കൊണ്ടുള്ള 21 നേട്ടങ്ങള്‍
  • വിശുദ്ധ സേവേറിയോസ് പാത്രീയർക്കീസ്
  • കർത്താവിന്റെ സ്വസ്ഥതയിലേക്ക് പ്രവേശിപ്പിൻ
  • ശ്ലോമ്മോ ല്കുൽകൂൻ.
  • സുറിയാനി ക്രിസ്ത്യാനികളായ സ്ത്രീകൾ പൊട്ട് തൊടരുത് എന്ന് പറയുന്നതെന്തിന്?
  • ബൈബിളിലെ അസാധാരണ സംഭവങ്ങൾ.
  • നീട്ടലും കുറുക്കലും.
  • മുടക്ക്, മഹറം.
  • Trisagion (ത്രൈശുദ്ധ കീർത്തനം).
  • എല്ലാ മഹത്വവും ദൈവത്തിന്
  • ഒരു സോറി പറഞ്ഞാൽ
  • ക്രിസ്തു എന്ന നേട്ടം.
  • സകല മൗദ്യാനന്മാരുടെയും ഓർമ്മ.
  • സുറിയാനി സഭയിൽ കിഴക്കിന്റെ പ്രാധാന്യം
  • എബ്രായരിലെ ക്രിസ്തു.
  • നമ്മെ ആദരിക്കുന്ന നല്ല ദൈവം.
  • ദുഃഖവെള്ളിയാഴ്ചയിലെ ചൊറുക്ക /കയ്പ്പുനീർ തയാറാക്കുന്ന വിധം
  • അന്നദാനം മഹാ ദാനം".
  • The various flavors of Christianity
  • സ്ത്രീധനം. (Dowry).
  • ഒറ്റയ്ക്കല്ല, ഒരുമിച്ചു വേണം മത്സരിക്കാൻ?
  • ആരാധിച്ചാല്‍ വിടുതല്‍ ലഭിക്കുമോ? (Can Worshiping reward Deliverance?)
  • മലങ്കരയിലെ സിസ്റ്റർ അന്നം
  • റമ്പാൻ ബൈബിൾ.
  • തിരുശേഷിപ്പുകളപ്പറ്റി
  • പരീശന്മാർ അഥവാ ഫരിസേയർ (Pharisees).
  • പരിശുദ്ധ ഇഗ്നാത്തിയോസ് ഏലിയാസ് തൃതീയന്‍ ബാവാ.
  • വിശുദ്ധ കുർബ്ബാന. (ഒരു ചെറുപഠനം).
  • അമാലോക്യരെ തോല്പിപ്പിൻ
  • ഗ്രീഗോറിയോസ് ബർ എബ്രായ.
  • ജീവിതത്തിൽ ഒന്നിനും ഒരു അർത്ഥം ഇല്ലെന്ന് മനസ്സിലാക്കുമ്പോൾ...
  • വിശുദ്ധ ദൈവമാതാവിൻ്റെ നാമത്തിൽ പരിശുദ്ധ സുറിയാനി സഭയിലെ 10 പെരുന്നാളുകൾ.
  • ചെറുതാക്കലല്ല എളുപ്പവഴി.
  • ഊറീമും തുമ്മീമും. (Urim and Thummim).
  • പരിശുദ്ധ പത്രോസ്‌ ശ്ലീഹാ മുതൽ ഇപ്പോഴത്തെ പരിശുദ്ധ മോറാൻ മോർ ഇഗ്നാത്തിയോസ് അഫ്രേം ദ്വിതിയൻ പാത്രിയർക്കീസ് ബാവാ വരെ.
  • എന്താണ് ‘ദൈവശാസ്ത്രം’ (What is Theology)?
  • മാർ ശെമവൂൻ ദെസ്തൂനി – A.D.390-459.
  • എന്തിനാണ് ദേവാലയത്തിൽ വച്ച് ആരാധന നടത്തുന്നത്?
  • ഏഴിന്റെ പ്രാധാന്യം
  • ദൈവപ്രസവിത്രിയുടെ ജനനം – സെപ്റ്റംബർ 8 [Birth of Theotokos] കർത്താവിന്റെ അമ്മ.
  • കല്ലട വല്യപ്പൂപ്പൻ.

Footer menu

  • Contact

Copyright © 2026 qodumutho.com - All rights reserved