തെറ്റിനെ അതിജീവിക്കാനാവശ്യമായ ആത്മബലം നേടിയെടുക്കാം
ശത്രു അകത്തു കടക്കാതിരിക്കാനായി രാജാവ് രാജ്യത്തിനു ചുറ്റുമായി വന്മതിൽ പണിതു; എല്ലാ കവാടങ്ങളിലും, കാവൽക്കാരെയും നിയോഗിച്ചു. എന്നിട്ടും ശത്രുക്കൾ എങ്ങനെയോ അകത്തു കയറി. രാജാവു പല മാർഗ്ഗങ്ങളും പരീക്ഷിച്ചു: കവാടങ്ങളുടെ എണ്ണം കുറച്ചു; കാവൽക്കാരുടെ എണ്ണം കൂട്ടി. എന്നിട്ടും ശത്രുക്കൾ അകത്തെത്തി. ഒടുവിൽ രാജാവു തന്നെ വേഷപ്രച്ഛന്നനായി, മറ്റു ഭടന്മാക്കൊപ്പം കാവൽ നിന്നു. ആർക്കും അദ്ദേഹത്തെ തിരിച്ചറിയാൻ കഴിഞ്ഞില്ല. പിന്നീടു താൻ കണ്ട കാഴ്ച, രാജാവിനെ അത്ഭുതപ്പെടുത്തി. കാവൽക്കാർ തന്നെ കൈക്കൂലി വാങ്ങി, അർധരാത്രിക്കു ശേഷം, ശത്രുക്കളെ അകത്തു കയറ്റുന്നു.